Të tjera detaje tronditëse po dalin nga aksidenti fatal që ka ndodhur pak më parë ne USA, ku nga rënia e helikopterit privat, ka gjetur vdekjen legjenda e basketbollit, Kobe Bryant, 41 vjeç.
Mediat amerikane raportojnë se bashkë me Kobe ishte dhe vajza e tij 13 vjeçare, Gianna, e cila po ashtu ka humbur jetën. Mësohet se ata po shkonin për të ndjekur një ndeshje basketbolli, pasi Gianna kohët e fundit ishte angazhuar shumë në këtë sport.
Po ashtu, në helikopter ishte dhe një shoqe e 13 vjeçares dhe dy të afërm të saj.
Bryant ishte shprehur se kishte rinisur të ndiqte çdo ndeshje basketbolli prej faktit qe vajza e tij e kishte me pasion dhe po luante mjaft mirë.
Bryant ishte baba i 4 fëmijeve. Bota e sportit në Amerikë dhe me gjërë është në zi.
/Lupa.al/